ЖИГҮҮР ГРАНД ГРУПП ХХК
Жигүүр Гранд Групп ХХК нь Монгол Улсад ардчилал, чөлөөт зах зээлийн эхлэл тавигдаж байсан 1989 онд хувийн жижиг үйлдвэрлэл, худалдаа, барилгын засал чимэглэлийн чиглэлээр үйл ажиллагаагаа эхлүүлснээр үүсгэн байгуулагдсан.
Өнгөрсөн 35 жилийн хугацаанд Жигүүр Гранд Групп тасралтгүй өргөжин хөгжиж, өнөөдөр барилга угсралт, үл хөдлөх хөрөнгө, эрүүл мэнд, уул уурхай, энтертайнмент, худалдаа, хоол үйлдвэрлэл, үйлчилгээ, аялал жуулчлал, амралт сувиллын чиглэлээр үйл ажиллагаа явуулдаг 11 салбар компанитай, үндэсний хэмжээний томоохон групп болон өргөжөөд байна.
Жигүүр Гранд Групп нь 1200 гаруй ажилчидтайгаас группийн барилга үйлдвэрлэлийн салбарт 30 гаруй нарийн мэргэжлийн инженер техникийн ажилтан, 500 гаруй барилгын мэргэжилтэй ажилчдаас бүрдэж байна.
Өнгөрсөн хугацаанд манай хамт олон Монголын барилгын салбарт тэргүүлэгч байж, Үндэсний шилдэг хөрөнгө оруулагч, Топ 100 Аж Ахуйн Нэгжийн нэгээр удаа дараа шалгарч, 2018 оны Ази тивийн “Шилдэг бүтээн байгуулагч” компаниудын нэгээр өргөмжлөгдлөө.
Ийнхүү Жигүүр Гранд Группийн хамт олон салбар бүртээ амжилтаар жигүүрлэж, Монгол чанарыг дэлхийд таниулан аз жаргалыг бүтээхийн төлөө итгэл төгс бүтээн байгуулсаар байна.
Эрхэм зорилго, уриа үг
Эрхэм зорилго
Бид салбар бүртээ амжилтаар жигүүрлэж Монгол чанарыг дэлхийд таниулан аз жаргалыг бүтээнэ
Уриа үг
Та бидэнд итгэ, бид бүгдийг бүтээнэ.
Бидний үнэт зүйлс
Цаг хугацааг эрхэмжлэх
Аливаа ажлыг зөв үнэлж, цаг хугацаанд нь хийж гүйцэтгэнэ • Төлөвлөсөн ажлыг цаг хугацаанд нь гүйцэтгэж, цагийг ягштал баримтална.
Чанарыг эрхэмлэх
Ажлыг зөв хянаж, алдааг залруулж, уялдаа холбоог сайжруулах зарчмыг баримталж ажиллана • Ажилдаа эзний ёсоор чин сэтгэлээсээ хандаж, хариуцсан ажлаа чанарын өндөр түвшинд гүйцэтгэнэ.
Багийн ажиллагааг эрхэмлэх
Харилцан хүндлэл, зөв эерэг дулаан харилцааг буй болгон эвсэг хамт олныг бүрэлдүүлж, үр дүнтэй хамтран ажиллана.
Хариуцлагатай зарчим
Эрхэлсэн ажилдаа эзний ёсоор хандаж хариуцлагыг дээдэлдэг • Ажилтан бүр хариуцсан ажилдаа хариуцлагатай хандаж, мэргэжлийн ёс зүйг эрхэмлэнэ.
Үнэнч шударга зарчим
Монгол улсын хууль, байгууллагын дүрэм журмыг чанд баримтлан аливаад үнэнч шударга хандана.
БҮТЭЦ ЗОХИОН БАЙГУУЛАЛТ
Өнгөрсөн 35 жилийн хугацаанд Жигүүр Грандчууд тасралтгүй өргөжин тэлж, эдүгээ барилга угсралт, үл хөдлөх хөрөнгө, эрүүл мэнд, уул уурхай, энтертайнмент, худалдаа, хоол үйлдвэрлэл үйлчилгээ, аялал жуулчлал, амралт сувиллын чиглэлээр нийт 11 салбар компанитайгаар үйл ажиллагаагаа амжилттай явуулж байна.
Барилга
Эрүүл мэнд
Уул уурхай
Аялал жуулчлал
Телевиз, энтертайнмент
Гадаад, дотоод худалдаа, үйлчилгээ
Хүнсний үйлдвэрлэл, үйлчилгээ