“Жигүүр Гранд Групп” нь Монголын барилгын салбарт анх удаа шилэн фасадтай, тансаг зэрэглэлийн 18 давхар орон сууц, оффисын "Романа Ресиденс" цогцолборыг 2016 онд ашиглалтад оруулсан. 1-2 давхартаа худалдаа үйлчилгээний төв, 3-16 давхарт орон сууц, 17-18 давхарт оффисын талбай байрладаг. Нарны хэт ягаан туяанаас хамгаалсан шилэн фасад, Итали интерьертэй уг барилга нь Улаанбаатар хотын өнгө төрхийг тодорхойлох бүтээн байгуулалтуудын нэг юм.